Android və iOS ilk illərdə bir-birindən fərqli funksiyalar təqdim etsələr də zamanla aradakı fərqlərin əksəriyyəti ortadan qalxdı. İki platformanın da güclü və zəif olduğu sahələr hələ də var, ancaq hər şeyə baxmayaraq onlar arasında seçim etmək çətindir.
1. Yuxarı sürüşdürmə
İlk iPhone-dan bu vaxta qədər istifadə edə bildiyimiz bu qısa yol, status çubuğuna toxunaraq səhifələrin ən yuxarı sürüşdürməsini həyata keçirir. Əksər web səhifələrdə “yuxarı sürüşdür” düyməsini görə bilirik. Eyni şəkildə Facebook ve Twitter-də də Axış və ya Giriş düymələrinə basaraq yuxarı sürüşdürə bilərik. Yenə də iPhone-da funksiyanın həmişə eyni yerdə olması onu daha xüsusi edir.
2. Sallayaraq Geri Alma
Bu funksiya iOS 3-dən bəri istifadədir. iPoddakı "sallayaraq qarışdırma" funksiyasına bənzəyən bu hərəkət yazı yazarkən və ya başqa funksiyaları həyata keçirəndə son hərəkətinizi geri almağa və ya təkrar etməyə imkan verir.
3. Daha yaxşı VoIP və Mobil Zəng İdarəsi
IOS 10-dan bəri VoIP zənglərinizi normal zənglər kimi iPhone-da idarə edə və fasiləsiz VoIP zənglərinə davam edə bilərsiniz. Android-də isə VoIP görüşməsi edərkən normal bir zəng gəlməsi cavab verənə və ya sonlandıranadək VoIP görüşmənizin dayandırılmasına səbəb olur.
4. 3D Touch
3D Touch ekrana daha güclü basmağa, bəzi qısa yollara və ön izləmələrə çatmağa imkan verir. iPhone SE istisna olmaqla bu gün satılan bütün iPhone-larda olan bu xüsusiyyət sayəsində çox sayda işləri cəld və rahat həll etmək mümkündür.
5. Digər cihazlardan gələn zənglər və mesajların alınması
Mac, iPad veya Apple Watch-unuz varsa iPhone-unuza gələn zənglər və SMS-lərə bu cihazların hər hansı birindən qəbul edə bilərsiniz. Zənglər üçün eyni Wi-Fi şəbəkəsində olmalısınız.
6. Səs İdarəsi və Səs Limti
Səs limiti iPhone-un qulaqlıqlara verəcəyi maksimum səs səviyyəsini müəyyən etməyə imkan verir. Bunun sayəsində qulağınızın çox yüksək səsə məruz qalmasının qarşısını almış olursunuz. Səs idarəsi isə musiqiləri eyni səs səviyyəsinə gətirməyə imkan verir. Beləliklə, musiqi dinlərkən musiqinin səs tonunu yüksəldib endirməyə ehtiyac qalmır.
7. Mərkəzləşdirilmiş Media Nəzarəti
iPhone-dakı idarə mərkəzi media oxutma funksiyalarına tək bir nöqtədən çatmağa imkan verir. Android-də bu tip musiqi idarə mərkəzi yoxdur. Hər proqram özünün oxut/dayandır/geri/irəli düymələrini istifadəyə verir.
8. Daha Anlaşılan Batareya İstifadəsi
Bəzən Android-də batareyanı nəyin tükətdiyini anlamaq çətin olur. Məsələn, Google Play xidmətləri bol batareya istehlak edə bilər, amma əslində bu xidmətdə əlavə batareya tükədən funksiyalar da mövcuddur. Nəticədə bəzən batareyanı nəyin tükətdiyini anlamaq olmur.
İOS-da isə hansı proqramın nə qədər enerji sərf etdiyi olduqca açıq verilir.
